Ikhale ngaphansi iPirates kowobungani, kodwa kuyethembisa

Yize idlale kahle – ikakhulukazi esiwombeni sokuqala – i-Orlando Pirates ayisitholanga isiqalo ebisifisa emalungiselweni ayo esizini entsha.

Leli qembu elingaphansi komqeqeshi omusha u-Abdeslam Ouaddou lithole isibhaxu sika 2-0 kwiBolton Wanderers.

Lamaqembu abezwana amandla emdlalweni obuseMarbella Sports Centre, eSpain ngoLwesihlanu ekuseni. 

U-Oauddou usebenzise amaqembu amabili ahlukene kuzo zombili iziwombe zalo mdlalo ukunizeka abadlali abahlukene ithuba.

• Iqembu elidlale isiwombe sesibili beliboshelwe kanje (4-5-1: Chaine – Shandu, Hotto, Sibisi, Mbokazi – Moremi, Mofokeng, Maswanganyi, Mbule, Nduli – Radiopane 
• Elidlale esesibili lona belime kanje (4-4-2): Buthelezi – Mashiloane, Ndaba, Xoki, Seema – Selepe, Nemtajela –  Kwayiba, Appolis – Makgopa, Mabasa

Iqembu elidlale isiwombe sokuqala belinabadlali abathathu abasha – uSipho Mbule, uTshepang Maremi, noSihle Nduli. 

Lidlale kahle futhi beliwulawula umdlalo yize lingakwazanga ukwakha amathuba acacile okushaya amagoli.

IWanderers ilishaye ngasekupheleni kwesiwombe igoli layo ukuze kuyiwe ekhefini ihamba phambili.

• FUNDA NALA | Muhle ‘umbango’ kaChisslett noSirino kwiChiefs kodwa…

Kwesesibili iPirates ibuye neqembu elihlukile, kulo obekunabadlali abayisithupha abasha – uMasindi Nemtajela, uNkosikhona Ndaba, uTshepo Mashiloane, u-Oswin Appolis, uLebone Seema noSinoxolo Kwayiba.

• COFA LAPHA: | Usijoyine kuFacebook  

Nendlela yokudlala beyishintshile esiwombeni sesibili njengoba beyisidlala i-4-4-2, ekubeni kwesokuqala beyidlala i-4-5-1.

• WINA! | Gcwalisa imininingwane yakho ngezansi uzibeke ethubeni lokuwina ijezi elisha leqembu lakho