IZamalek yase-EGypt icabangela kumqeqeshi wakuleli
Izinkunzi zase-Egypt, iZamalek SC, kubikwa ukuthi seziqale izingxoxo zokuzama ukuqoka umqeqeshi wakuleli osemncane ebukeka enekusasa elihle.
Ngokwemibiko yakamuva, leli qembu lixoxisana noFadlu Davids ukuze athathe izintambo njengomqeqeshi walo omusha.
Ngokolwazi olutholakele, iZamalek isivele isisondele kuDavids, kanti izingxoxo zokuqala phakathi kwazo zombili izinhlangothi seziqalile.
Lo mqeqeshi waseNingizimu Afrika uqhubekile nokuzakhela igama elihle eminyakeni edlule, okumenze wadonsa amehlo amaqembu amaningana ase-Afrika.
Yize izingxoxo zisesezigabeni zokuqala, kubikwa ukuthi i-Zamalek ibona uDavids njengomuntu ongakwazi ukuhola leli qembu libuyele empumelelweni.
Kusazobonakala ukuthi lezi zingxoxo zizophetha ngokuthi uDavids avume yini ukuthatha lo msebenzi wase-Egypt.
Okwamanje zombili izinhlangothi zisahlola ukuthi zingakwazi yini ukufinyelela esivumelwaneni.
Uma evuma ukujoyina i-Zamalek, kungenzeka kugcine kunabaqeqeshi ababili abasebancane bakuleli kwiligi enkulu yase-Egypt.
- FUNDA NALA | OweStellies uchaza okwenze basayine uMashego
Lokhu kungenxa yokuthi nePyramids FC kuthiwa isezingxoxweni esezisezingeni eliphezulu noRulani Mokwena osana kushiywakwelaseLibya.
- EZISHISAYO| Cofa lapha usithole kuWhatsApp
