I-PSL ililela iKaizer Chiefs eshonelwe isisebenzi

IPremier Soccer League (PSL) isikhiphe isitatimende ilila ngokudlula emhlabeni kobesebenza ehhovisi leKaizer Chiefs, uMatseleng Sarah Mokgatlhe.

Le nhlangani izwakalise ukudabuka, yathumela amazwi enduduzo emndenini wakhe nakwiKaizer Chiefs iyonke.

Njengophawu lokumhlonipha, kuzoba nomzuzu wokuthula ngaphambi kwemidlalo yeBetway Premiership, eyeMotsepe Foundation Championship, neyeDStv Diski Challenge kule mpelasonto.

UMokgatlhe udlale indima ebalulekile kwiKaizer Chiefs, waba nesandla ekuphathweni kweqembu. 

Ukudlula kwakhe emhlabeni kuwukulahlekelwa okukhulu ebholeni lakuleli.

• OLUNYE UDABA: UThemba Zwane uveza ezintsha ngokwelulama kwakhe

Abalandeli, abadlali, nezikhulu bazohlangana ukuze bahloniphe uMokgathle emidlalweni yale mpelasonto.