IPirates iethubeni elihle lowamanqamu kwiMTN8

I-Orlando Pirates ithathe igxathu elihle elibheke emdlalweni wamanqamu kwiMTN8 ngokushaya iSekhukhune United.

IBucs inqobe ngo 1-0 e-Old Peter Mokaba Stadium ePolokwane ngoMgqibelo ntambama.

UDeon Hotto ube yiqhawe lePirates ngemuva kokushaya igoli okuwukuphela kwalo kulo mdlalo ngomzuzu ka-44.

UHotto uqedele kahle ngemuva kokuthola ibhola elihle ebelisuka kuGhampani Lungu.

ISekhukhune iqale umdlalo ngamandla, izama ukusebenzisa ithuba lokudlalela ekhaya.

IPirates yona iqale ukuthola umdlalo njengoba isikhathi siqhubeka. IBucs ibe nokulawula okuningi kwebhola.

Ngemuva kwekhefu, iSekhukhune izamile ukufuna igoli lokulinganisa.

Kodwa udonga lwasemuva lwePirates beluungafune lutho futhi lwazivala kahle izikhala.

IPirates nayo iwathole amanye amathuba okwandisa amagoli ayo.

U-Oswin Appollis ucishe walishaya igoli ekuqaleni kwesiwombe sesibili, kodwa ishodi lakhe ladlula kancane eceleni.

Umqeqeshi wePirates uphinde wafaka uSebastian Pedersen emdlalweni ngomzuzu ka-65.

Lokhu kube yithuba ebelilindwe ngabomvu lokubona lo mgadli waseNorway edlala umdlalo wakhe wokuqala.

Yize engazange alithole kangako, uPedersen ucishe walishaya igoli kodwa ibhola lakhe laphuma eceleni.

ISekhukhune iqhubekile nokuhlasela ngasekupheleni komdlalo ifuna ukulinganisa.

Nokho, i-Orlando Pirates ikwazile ukubambelela ekuholeni kwayo kwaze kwaphela umdlalo.

• FUNDA NALA | OweBay uveza okwenze bashintshe inkunda yoweChiefs

Lo mphumela ibeka iPirates ethubeni elihle ngaphambi komlenze wesibili ngempelasonto ezayo.

• EZISHISAYO| Cofa lapha usithole kuWhatsApp