UHugo Broos ubophele izethenjwa zodwa kwiBafana

Umqeqeshi weBafana Bafana uHugo Broos umemezele isikwati esingashintshile semidlalo ezayo yokuhlungela iNdebe yoMhlaba. 

IBafana Bafana izogadulisana neneLesotho neBenin, kanti uHugo Broos ufake umdlali oyedwa omusha eqenjini lakhe.

Umdlali wasemuva weStellenbosch FC, uThabo Moloisane, ubizwe okokuqala ngaphansi kukaBroos. 

Lo mdlali oneminyaka engu-26 ubudala uke wadlala eqenjini leBafana kwiCosafa Cup ngaphansi kukaHelman Mkhalele.

Manje kubukeka ukuzinikela kwakhe sekuhlabe umxhwele lo mqeqeshi odabuka eBelgium, wabe esemfaka eqenjini lakhe elikhulu.

• SILANDELE KU-FACEBOOK | Cofa la, Lisenethini.co.za

Umdlali wasesiswini uJayden Adams naye ubuyile ngemuva kokuphuthelwa imidlalo embalwa ngonyaka odlule ngenxa yokungaboni ngaso linye noBroos. 

Ukufakwa kwakhe kuza ngemuva kokuqala kahle eqenjini lakhe elisha iMamelodi Sundowns.

Khonamanjalo, abagadli oPercy Tau noLyle Foster, bayabuya nabo, bathathe izindawo zoMihlali Mayambela no-Evidence Makgopa.

IBafana Bafana ihlezi endaweni yesibili kuGroup C, kanti iyalingana ngamaphuzu ayisikhombisa neRwanda. 

Izobhekana neLesotho ePeter Mokaba Stadium ngoMashi 22, ngaphambi kokuya e-Abidjan ukuyobhekana neBenin ngoMashi 25.

Iqembu eligcwele leBafana Bafana liboshelwe kanje

Onozinti: Ronwen Williams, Ricardo Goss, Sipho Chaine.

Abadlali basemuva: Sydney Mobbie, Khulumani Ndamane, Thabo Moloisane, Nkosinathi Sibisi, Aubrey Modiba, Siyabonga Ngezana, Khuliso Mudau, Fawaaz Basadien.

 Abadlali basesiswini: Teboho Mokoena, Jayden Adams, Bathusi Aubaas, Thalente Mbatha.

• FUNDA NALA | OweBucs neDowns ‘uxova’ abangani 

 Abaphambili: Oswin Appollis, Patrick Maswanganyi, Iqraam Rayners, Relebohile Mofokeng, Elias Mokwana, Lyle Foster, Thapelo Morena, Percy Tau.