Seziqhathiwe kweyeCaf, iPirates izoqala eMauritius

Sekuvele amaqembu azobhekana ne-Orlando Pirates neKaizer Chiefs emiqhudelwaneni yeCaf ngemuva kokuqhathwa ngokusemthethweni ngoLwesine.

IPirates, ezodlala kwiCaf Champions League ihambisana neMamelodi Sundowns.

Izobhekana neLa Cure Waves yaseMauritius emzuliswaneni wokuqala wemidlalo yokuhlunga.

Uma iBucs idlulela phambili, izobhekana nowinile phakathi kwe-AS Mangasport yaseGabon ne-African Stars yaseNamibia emzuliswaneni wesibili.

ISundowns yona ngeke idlale emzuliswaneni wokuqala wemidlalo yokuhlunga ngenxa yokuba ngompetha be-Afrika. 

Izodlala nowinile phakathi kweWiliete Benguela yase-Angola neForesters FC yaseSeychelles .

IKaizer Chiefs nayo ngeke idlale emzuliswaneni wokuqala kweyokuhlunga kwiCaf Confederation Cup. 

Amakhosi azobhekana nowinile phakathi kweFC Rouge yaseMadagascar neRed Arrows yaseZambia emzuliswaneni wesibili.

IDurban City yona iqhathwe neRukunzi FC yaseBurundi emzuliswaneni wokuqala. 

• FUNDA NALA | OweChiefs uveza okumchaze ngoPhili

Uma inqoba, izosondela ekufinyeleleni esigabeni samaqoqo somqhudelwano.

Njengoba zombili izinkunzi zaseSoweto – i-Orlando Pirates ne-Kaizer Chiefs – zingenile kule miqhudelwano, zibhekwe ngabomvu.

• EZISHISAYO| Cofa lapha usithole kuWhatsApp