Seziphumile izinsuku nezinkundla zeyeCarling Knockout
- Intatheli yeLISENETHINI
Ngemuva kokwethulwa kweCarling Knockout nokudidiyelwa kwemidlalo yomzuliswano wokuqala ngoLwesibili, iPremier Soccer League (PSL) isimemezele izinsuku, izinkundla, nezikhathi zale midlalo.
Le midlalo izoqala ngempelasonto ka-18 kuya ku–20 ku-Okthoba, kanti imidlalo ihlelelwe ukuba ngoLwesihlanu, ngoMgqibelo nangeSonto.
Amathikithi azotholakala ezitolo ze-TicketPro ezweni lonke, kanti imininingwane eyengeziwe mayelana nokutholakala kwamathikithi izohlinzekwa maduze.
Ompetha abavikela le ndebe, iStellenbosch FC yiyo ezovula umqhudelwano ngoLwesihlanu, luka-Okthoba 18.
Izobhekana naMaZulu FC eKing Zwelithini Stadium, eMlazi kanti umdlalo uyoqala ngo-7 ebusuku.
NgoMgqibelo, ka-Okthoba 19, kuzoba nemidlalo emine. Kuyoqala i-Orlando Pirates ezosingatha iMagesi FC e-Orlando Stadium ngo-3 ntambama.
ICape Town City iyobhekana neRoyal AM e-Athlone Stadium ngawo u-3 ntambana.
IMamelodi Sundowns izobhekena neLamontville Golden Arrows eLucas Moripe Stadium ngo-6 ebusuku, bese kulandela owePolokwane City neMarumo Gallants e-Old Peter Mokaba Stadium ngo-8 ebusuku.
NgeSonto, lika-Okthoba 20, iTS Galaxy FC izodlala neChippa United eMbombela Stadium gno-3 ntambama.
Ngesikhathi sonusuku olufanayo, iSuperSport United izokhiphana inkani neKaizer Chiefs eNew Peter Mokaba Stadium ePolokwane.
Umzuliswano wokuqala uyophethwa yiRichards Bay FC ezobhekana neSekhukhune United eKing Zwelithini Stadium ngo-5.30 ntambama.
