Okushiwo u-Appollis i-Orlando Pirates ibuyela esicongweni
I-Orlando Pirates isibuyele phezulu kwilogi yeBetway Premiership njengoba umbango wesicoco uqhubeka.
AmaBhakabhaka anqobe ngo 2-0 eshaya iRichards Bay e-Orlando Amstel Arena ngoLwesithathu ebusuku.
Lokhu kuwina kwenza i-Orlando Pirates ilingane ngamaphuzu neMamelodi Sundowns. Nokho isihlezi phezulu ngenxa yomehluko wamagoli.
Ingcindezi ibiphezulu ngemuva kokuthi iSundowns inqobile ngoLwesibili, kodwa iBucs iphendule ngesitayela.
U-Oswin Appollis nguye ovule inkundla ngegoli esiwombeni sokuqala. Uqedele ngobuchule umnyakazo omuhle wokuhlasela.
U-Evidence Makgopa ube eseshayela isipikili sokugcina ngegoli lesibili ekupheleni komdlalo.
Ekhuluma ngemuva komdlalo, umdlali ovelele u-Appollis uthe bekuwumzamo weqembu, futhi bebazi ukuthi kufanele bawine.
“Ngibonga ozakwethu – sisebenze kakhulu namuhla. Sesiwudinga lo mphumela,” kusho u-Appollis.
“Sonke siyasebenza, sonke siyawashaya amagoli. Kubaluleki ukuthi siyaye amaholi amanisi ngoba siyawakha amathuba.
FUNDA NALA | Okusha ngecala likaMogaila
“Umqeqeqeshi usasinxenxa ukubaya sishaye amagoli, kanti nathi singabadlali sivle siyawafuna amagoli.”
