Kuvela izinkonondo ngocija onozinti kuMaZulu
- Alfred NGUBANE
Sekuvele isikhalo ngezinga eliphansi lomqeqeshi wonozinti kuMaZulu FC u-Aubrey Vilakazi.
ILisenethini imoshe lomoya komunye wemimthombo yayo osondelene nomunye wonozinti baleli qembu utshele.
Uthe uVilakazi akekho ezingekho lokuqeqesha onozinti abasezingeni eliphezulu abanjengoVeli Mothwa noRichard Ofori.
“Banamava ngaphezu kwakhe njengoba bengonozinti bamaqembu esizwe,” kusho umthombo.
“Labo nozinti basebenze nabaqeqeshi abasezingeni eliphezulu kakhulu emaqenjini esizwe.
“UVilakazi akanawo amava ebholeni njengoba wadlala kancane kwiMoroka Swallows kukhona lapho eshoda khona.
“UVeli Mothwa wabizwa eqenjini lesizwe, iBafana Bafana ngoba wayeqeqeshwa nguWayne Sandalands.
“Wayengenawo amaphutha anjena njengoba esededela amagoli alula,” kuqhuba lo mthombo.
“Kuzomele bayisukumele abaphathi baMaZulu lento ngoba isazobaqeda uma ngabe bengaqondi ukuthi konakala kuphi konozinti.”
ILisenethini ixoxisane noWilliam Okpara oyinkakha ye-Orlando Pirates neqembu lesizwe laseNigeria.
Yena ubalule ukuthi unozinti onamava kudingeka aqeqeshwe ngumqeqeshi wonozinti onamava wokudlala eqenjini lesizwe nasezingeni eliphezulu.
“Kumele kube umuntu onolwazi lokuba senkundleni, ozaziyi izimo zakhona njengoba ubona uKennedy Mweene weMamelodi Sundowns no-Andrew Arendse weSuperSport United,” kusho u-Okpara.
“Uma ngabe bengamuzwa kahle, bazokwenza amaphutha angenaso isidingo.”
AmaZulu asanda kwengeza u-Ofori konozinti njengoba belidinga omunye onamava ozoncintisana noMothwa.
Omunye unozinti okhona Osuthwini u-Olwethu Mzimela osemncane nosadinga ukuqiniswa ukhakhayi.
