Kuphume ababili, kwangena oyedwa Osuthwini
AmaZulu FC asesayine umgadli u-Elmo Kambindu obedlala kwiChippa United.
Ngesikhathi esifanayo, u-Olwethu Mzimela noSiyanda Hlabangeza bajoyine iDurban City ngokubolekiswa.
UKambindu, oneminyaka engu-31 ubudala, ungowesithathu ukusayinwa AmaZulu ngoJanuwari.
Ulandela ukufika koBongani Zungu noSandile Mthethwa abafike ngonyaka odlule, kodwa babhaliswa ngoJanuwari.
Lo mdlali waseNamibia wethulwe ngokusemthethweni njengomdlali woSuthu ngoLwesibili.
“Ngibonga umengameli ngokungiletha lapha,” kusho uKambindu.
“Ngiyajabula ukuba lapha futhi ngethemba ukushaya amagoli amaningi neqembu.
“Ukwesekwa engikutholile kusukela ngifikile kuyamangalisa.
“Kubalandeli, ngikukhuthaza ukuthi bafike ngothi lwabo ukuzoseseka, ngethembisa ukuthi sizowenza nathi ymsebenzi enkundleni.”
AmaZulu aphinde amemezela ukubolekiswa kwabadlali ababili ngalo lolu suku.
Unozinti uMzimela 0neminyaka engu-23 ubudala nomdlali wasesiswini uHlabangeza oneminyaka engu-22 bajoyine iDurban City.
Bazochitha isizini bethola amava futhi basize leli qembu leMotsepe Foundation Championship lilwele ukukhushulelwa kwiligi ephezulu.
