Isimanga kumiswa umdlalo weBafana ngenxa yabalandeli
- Sibongiseni GUMBI
Ukungena enkundleni kwabalandeli beBafana Bafana emdlalweni wayo neCongo-Brazzaville kuphoqe unompempe ukuthi amise umdlalo.
Unompempe ubize okaputeni bamaqembu womabili ngemuva kwegoli lesibili leBafana, wabatshela ukuthi akaneme ngokwenzekayo.
Kuvele kwaba nongoma uyayona abangene enkundleni beyojabulela leli goli nabadlali beBafana.
Ngenxa yalokhu, unompempe uthathe abadlali bebhentshi leCongo-Brazzaville babuyela ngaphakathi ukuze baphephe.
Kusale abeBafana nezikhulu zeSafa benxenxa abalandeli ukuthi behlise umoya futhi baziphathe kahle.
Umdlalo umiswe ngomzuzu ka-30 iBafana seyihamba phambili ngo 2-0 wamagoli kaTebogo Mokoena.
Elokuqala ulishaye ngekhanda kade kuyikhona egotshwe u-Oswin Appolis, elesibili lona uphaselwe u-Appolis engaphandle kancane kwebhokisi leCongo.
Ube esededela intululwane yeshodi alizwe ngendaba unozinti wezivakashi, kwabe sekuska isixakaxaka.
