Indlela okuzoqhathwa ngayo eyandulela owamanqamu kwiMTN8

Abalandeli bebhola ngeke balinde isikhathi eside ukuze bathole ukuthi ngubani ozobhekana nobani emzuliswaneni wemidlalo eyandulela owamanqamu kwiMTN8. 

Ukuqhathwa kwamaqembu amane azodlala kule midlalo kuzokwenzeka ngesonto ebusuku.

Kuzokwenziwa ngokushesha ngemuva komdlalo ophakathi kweMamelodi Sundowns neRichards Bay eLucas Moripe Stadium.

Ukuqhathwa kwamaqembu kuzosakazwa bukhoma kuSuperSport PSL (202), kanti sekuvele kubhekwe ngabomvu.

Inqubo yokuqhatha: isebenza kanjani

Uukuqhathwa kwamaqembu kuzokwenziwa kulandelwa lolu hlelo olulula, olusobala:

• Amagama amaqembu amane angene kulo mzuliswano wemidlalo eyandulela owamanqamu azofakwa ebhodweni elilodwa wonke.
• Ibhola lokuqala elizokhishwa lizoba yiqembu elizoba sekhaya emdlalweni owandulela owamanqamu wokuqala.
• Ibhola lesibili elizophuma kuzoba yiqembu elizoba sekuhambeni kulowo mdlalo wokuqala.
• Ibhola lesithathu elizophuma kuzoba yiqembu lasekhaya emdlalweni owandulela owamanqamu wesibili.
• Ibhola lesine kuzoba yiqembu elizoqala ekuhambeni emdlalweni wesibili kweyandulela owamanqamu.

Yomabili imidlalo eyandulela owamanqamu izoba nemilenze emibili — owsekhaya nowasekuhambeni — futhi yiyo ezokhipha amaqembu amabili azodlala owamanqamu. 

Kuze kube manje, iStellenbosch FC isivele izibekisele indawo yayo kweyandulela owamanqamu ngemuva kokunqoba ngo-3-2 esikhathini esengeziwe ibhekene naMaZulu FC. 

• FUNDA NALA | Luguqile Usuthu, iStellies isibheke olandelayo kwiMTN8

ISekhukhune United yona ingene kulesi sigaba ngokushaya iTS Galaxy ngo 3-2 ngoMgqibelo. 

Ne-Orlando Pirates, okuyiyo engompetha abavikela le ndebe, nayo ilindile ukuthola ukuthi izobhekana nobani kweyandulela owamanqamu.

• COFA LAPHA: | Usijoyine kuFacebook

Ifike kulo mzuliswano ngokushaya iPolokwane City ngo 2-0 ngawo uMgqibelo. 

WINA! GCWALISA IFOMU NGEZANSI UZIWINELE IJEZI LEQEMBU LAKHO