IChiefs ohlelweni lokusiza iziboshwa zesifazane
- Intatheli yeLISENETHINI
UMnyango wokuHlunyeleliswa kweZimilo uhlanganyele neKaizer Chiefs neFifa Foundation bazokwethula uhlelo olusha.
Lolu hlelo, oluzogxila eziboshweni zabesifazane, luzoqala eJohannesburg Correctional Centre (eyaziwa ngeSun City) ngoSepthemba 4.
Ngalolu bambiswano kuhloswe ukunika amandla nokuvuselela izimilo zeziboshwa zesifazane kusetshenziswa ukuthuthukiswa kwamakhono ezemidlalo nawempilo.
I-Twinning Project, okuyugama laleli hlelo, isebenzisa amandla ezemidlalo ukwenza uguquko emphakathini.
Iklanyelwe ukuhlinzeka iziboshwa zesifazane ngamathuluzi eziwadingayo ukuze zibuyele emphakathini seziikile.
Lolu hlelo luhambisana nomsebenzi omqoka wokuhlunyeleliswa kwezimilo nokubuyiselwa ngendlela efanele iziboshwa emphakathini.
Ngalokhu kubambisana, iKaizer Chiefs neFifa Foundation bafaka isandla kwikusasa eliqhakazile lalaba besifazane.
Ngokuzibandakanya kwezemidlalo, bazothola amakhono abalulekile azobasiza baphinde bahlangane nomphakathi uma sebekhululiwe.
Lo msebenzi uyisinyathelo esibalulekile ekusekeleni ukuhlunyeleliswa kwezimilo kweziboshwa zesifazane nokuzisiza zakhe kabusha izimpilo zazo.
