Ibuye no-R228 million – kuvela okuzokwenziwa yiDowns ngale mali
IMamelodi Sundowns isheshe yaphuma kwiFifa Club World Cup njengoba ihluleke esigabeni samaqoqo samaqoqo nje.
Kodwa izobuyela eChloorkop insinsitheka njengoba ithole imali amakilabhu amaningi ase-Afrika agcina ngokuyiphupha: u-R228 million.
Imali eyenziwe yiMamelodi Sundonws kulo mqhudelwano ime kanje:
- Imali yokuba yingxenye yalo mqhudelwani: R174 million
- Imali yokunqoba ibhekene ne-Ulsan HD: R36 million
- Imali yokudlala ngokulingana neFluminense: R18 million
- Isamba esiphelele: R228 million
Ngokwemali yase-US, la lo qmhudelwano ubanjelwe khona, iMamelodi Sundonws ibuye no-US$12 million.
Le mali iphindeke kathathu kuleyo eyatholwa yiPryamids FC ngokunqoba kwayo iCaf Champions League.
Abangaphakathi ekilabhini bathi ingxenye ethile yale mali izoqinisa amaholo abadlali nezisebenzi eChloorkop.
Kodwa imali ebalulekile ebekelwe ukuthuthukiswa ingqalasizinda nokusayinwa kwabadlali abasezingeni eliphezulu.
IMamelodi Sundowns iphoxekile
IMamelodi Sundowns iqede endaweni yesithathu kuGroup F inamaphuzu amane, ngemuva kweBorussia Dortmund ebe nayisikhombisa, neFluminense ebe namahlanu.
Beyidinga ukunqoba eMiami ngoLwesithathu ebusuku, kodwa yabambana ngo 0-0 nompetha beCopa Libertadores, iFliuminense.
Noma kunjalo, yenze kangcono kunawo wonke amanye amaqembu ase-Afrika abekulo mqhudelwano.
Ibe yiqembu lokuqala lase-Afrika ukuqoqa amaphuzu amane esigabeni samaqoqo kwiClub World Cup.
UCardoso ubonge izifundo abazicoshile
Umqeqeshi uMiguel Cardoso ubone benze kahle ngokuthi kuningi abakufindile njengeqembu.
“Sikwazile ukumelana namakilabhu asezingeni eliphezulu ngobuchule bamacebo okudlala; ube mncane kakhulu umehhluko,” kusho uCardoso.
“Indaba yemali asiyibeke eceleni, ukudlala kwethu lapha kuzoqinisa abadlali bethu ikakhulukazi laba abasebancane ukuze uma sesiya ezimpini zeCaf nakwiligi babe sebengcono kakhulu.”
Kufezeka isifiso esidala sikaMotsepe
Owayengumengameli wale kilabhu, uPatrice Motsepe wayenephupho lokuthi kube nekilabhu yase-Afrika egila izimanga ebholeni lomhlaba.
Ukuhlomula kweMamelodi Sundowns u-R228 milliona kuwukuqala kokufezekiswa kwalesi sifiso.
Imithombo ikhomba ukuthi ikilabhu izosheshisa izinhlelo zesikhungo esibizwa ngeHigh Performance Centre esizoba sezingeni sezamakilabhu amakhulu ase-Europe.
Lesi kuzoba ngesinye isinyathelo sokwenza aMasandawana abe ngawokuqala ukuba nesikhungo esisezingeni lomhlaba.
Yize isheshe yabuyela ekhaya kunalokho ebikufisa, kodwa iMamelodi Sundowns ishiya i-US icebile, futhi inamava athe xaxa.
Futhi uma abaphathi babo bechitha ngobuhlakani i-— ehlomele kangcono ukubusa ezwenikazi futhi babuyele esigabeni somhlaba ngamandla.
