UZwane uncoma ukubuya kuka-Ertugral
U-Arthur Zwane ukholwa ukuthi ukubuyela kukaMuhsin Ertugral ekuqeqesheni kwiPSL kuyinto ezohlomulisa ibhola laseNingizimu Afrika.
U-Ertugral usanda kuqokwa yiCape Town City njengomqeqeshi obambile kuze kuphele isizini.
Ngemuva kwalokho, uzothatha izintambo njengomqondisi wezokuqeqesha weqembu kanti umqeqeshi omusha uzosebenza ngaphansi kwakhe.
UZwane uncoma u-Ertugral ngokubumba uhambo lwakhe lokuqeqesha, ikakhulukazi ngolwazi lwamaqhinga okudlala.
Ngezinsuku zakhe zokudlala kwiKaizer Chiefs, uZwane wasebenzisa izimiso zika-Ertugral ukuletha impumelelo eqenjini lakhe leligi yaseSoweto.
Laba bobabili baqopha umlando kwiChiefs. U-Ertugral uqeqeshe uZwane ngo-1999 waphinda futhi ngeminyaka yawo-2000.
Ngaphansi kuka-Ertugral, iChiefs yawina izindebe eziningi futhi yakhiqiza abadlali abaningi abasebancane abathokozisayo abafana noJabu Mahlangu owaziwa ngelikaPule ngaleso sikhathi.
Abanye abadlondlobala ngaphansi kuka-Ertugral beesebancane kubalwa uPatrick Mbutho noJunior Khanye.
“Ngijabule ngaye,” kusho uZwane. “Ube ngumeluleki wami futhi wangikhuthaza ukuthi ngibe wumqeqeshi.
“Isitayela sakhe namaqhinga angisizea ngabusa neqembu lami eSoweto.”
UZwane – osengumqeqeshi kuMaZulu FC njengamanje – uncome ikhono lika-Ertugral lokuthuthukisa ithalente kubadlali abasebancane.
Ukubuya kuka-Ertugral ekuqeqesheni kwenzeke ngemuva kweminyaka emihlanu ashiya ngesikhathi exoshwa yiMaritzburg United ngo-2019.
Umdlalo wakhe wokuqala njengomqeqeshi weCape Town City uwunqobe ngo 1-0 ebhekene neqembu lakhe lakudala, iChiefs ngeSonto.
