UMonyane weBucs kwabamisiwe kweyeBetway Prem

• Intatheli yeLISENETHINI

Umdlali wasemuva we-Orlando Pirates, uThabiso Monyane, ungomunye wabadlali abamisiwe kule mpelasonto emidlalweni yeBetway Premiership.

Lo mdlali odlala kwesokudla emuva uthole ikhadi lesine eliphuzi esebhentshini ngesikhathi iBucs inqoba ngo 3-0 ihlula iPolokwane City ngoLwesibili.

Lokhu kusho ukuthi uzophuthelwa umdlalo wangeSonto la bezobhekana khona neRichards Bay eKing Zwelithini Stadium eMlazi.

Ngalo iSonto, iChippa United izodlala engekho uSirgio Kammies uma isibhekene neTS Galaxy eBuffalo City Municipality Stadium. 

Lo mdlali wasemuva ukhishwe ngekhadi elibomvu ngesikhathi bedlala ngokulingana ngo 1-1 neSekhukhune United ngoLwesithathu.

IStellenbosch FC izobe ingenaye uSage Stephens uma isivakashele iPolokwane City e-Old Peter Mokaba Stadium. 

Lo nozinti umisiwe kulo mdlalo ngemuva kokuthola ikhadi lakhe lesine eliphuzi kule sizini beshaya iCape Town City ngo 3-0 ngoLwesithathu. 

Emdlalweni cishe obhekwe kunayo yonke kule mpelasonto, ophakathi kweKaizer Chiefs neMamelodi Sundowns, akekho umdlali omisiwe. 

Imidlalo ye-Betway Premiership kule mpelasonto ime kanje:

NgoMgqibelo 

Kaizer Chiefs vs Mamelodi Sundowns – FNB Stadium – 3pm

Sekhukhune United vs Golden Arrows – New Peter Mokaba Stadium – 3pm

Magesi FC vs Royal AM – Old Peter Mokaba Stadium – 5.30pm

Cape Town City vs SuperSport United – Athlone Stadium – 8pm

Marumo Gallants vs AmaZulu FC – Free State Stadium – 8pm

• OLUNYE UDABA: Ezingezinhle ngoNgezana obeza kahle kwiBafana

NgeSonto

Richards Bay FC vs Orlando Pirates – King Zwelithini Stadium – 3pm

Chippa United vs TS Galaxy – Buffalo City Municipality Stadium – 3pm

Polokwane City vs Stellenbosch FC – Old Peter Mokaba Stadium – 3pm