Iphinde yaphoxa iChiefs ibanjwa yiTS Galaxy

I-TS Galaxy iphule izinhliziyo zabalandeli beKaizer Chiefs ePeter Mokaba Stadium, ilinganisa ngemizuzu yokugcina ukuze umdlalo weBetway Premiership uphele zibambene ngo 1-1.

IKaizer Chiefs ibibukeka iphokophele ukunqoba kulo mdlalo kodwa iTS Galaxy, elwela indawo emiqhudelwaneni yeCaf, ngesizini ezayo, yanqaba. 

Ingene emdlalweni ifuna ukushintsha izinto ngemuva kokungahambi kahle kwemiphumela kanti ngemuva kwesiwombe sokuqala esithembisayo ibukeke ingenza kangcono. 

Ngokudlala ngokulingana, iTS Galaxy idlulele endaweni yesithathu, kanti iKaizer Chiefs isesendaweni yesishiyagalombili. 

UAmakhosi yiwoma abehamba phambili ngesiwombe sokuqala, ngemuva kokuhlomula ngephutha elezinwe yizivakashi zawo emuva.

Iphasi embi kaSolomon Letsoenyo ivele yaqonda ngqo kuGaston Sirino obe esebhekana nonozinti.

Kodwa uvele ushaya into ephuphile, wayivimba unozinti u-Ira Tape, nokho waba nesha ibhola lawela phambi kukaWandile Duba obe eselinamathisela enethini. 

IChiefs kuyiwe ekhefini ihamba phambili ngo 1-0 kanti ishwebe amathuba amaningi futhi amahle, futhi bekunethemba lokuthi izoba ngcono ngesiwombe sesibili.

Futhi bekufanele ishaye igoli lesibili ekuqaleni kwesiwombe sesibili, kodwa uSirino wayeka elihle ithuba. 

Lokhu kwenze iGalaxy yabona ingozi, yaqala yavuka emaqandeni futhi kwayiyo elawula umdlalo.

• FUNDA NALA | Kuphinde kwabhimba kuMokwena iWydad iwasha ijezi

Ukaputeni weTS Galaxy, uMlungisi Mbunjana, ushaye igoli lokulinganisa ngemuva kokuthi iKaizer Chiefs ihlulekile ukususa umhlola ekhaya kade kuyikhona.

• SIBAMBE NAKU-FACEBOOK | Lisenethini.co.za

Njengoba sekusele imidlalo eyisithupha, iChiefs kuzomele inyuse amasokisi ukuze igweme ukuqeda ngaphandle kwamaqembu ayisishiyagalombili aphezulu isizini yesibili kulandelana.