ElaseKZN ligoloza ukuyodlala iLegacy Cup
- Intatheli yeLISENETHINI
Njengoba kwethulwa iMangosuthi Legacy Cup, elinye lamaqembu seliveze ukuthi lona ngeke likwazi ukuyidlala.
Lo mqhudelwano, odlalwa minyaka yonke amaqembu ebhola elikhokhelayo aKwaZulu-Natal, uzoba ngoSepthemba 7.
Ngalesi sikhathi kuzobe kuyiviki lemidlalo yeFifa yokuhlungela iNdebe yoMhlaba.
Ngaphezu kwalokho, iligi yakuleli, iBetway Premiership izobe ingakaqali okwenza leli kube yithuba lamaqembu okuzihlola okokugcina.
Kulokhu kumenywe iRoyal AM, iRichards Bay, AmaZulu FC Royal AM Richards Bay neNsingizini Hotspur yaseSwatini.
Nokho umthombo weLisenethini usuveze ukuthi Usuthu lona aluyizwa kahle eyalo mqhudelwano kulokhu.
“Ngizwa kuthiwa bathi bona bayaxolisa, kodwa kumele bahoxe kulo mqhudelwano kulokhu,” kusho lo mthombo.
“Ngizwa kuthiwa abaqeqeshi abangayizwa kahle le midlalo futhi kuthiwa yibo abacele ukuthi iqembu lihoxe.”
OLUNYE UDABA: Kubhedile kowodumo lweBafana obezama kwiDurban City
Njengoba ukwethulwa kwalo mqhudelwano kokuqhathwa kwamaqembu kuqhubeka njengamanje, iLisenethini izobuya nolunye ulwazi.
