Ihujiswe utalagu kwashona ilanga iPirates
- Sibongiseni GUMBI
IStellenbosch FC ibe yiqembu lokuqala kule sizini yeBetway Premiership ukushaya i-Orlando Pirates.
Leli qembu likaSteve Barker liyihubhise utalagu kwaze kwashona ilanga e-Orlando Stadium, umdlalo wagcina uphele ngo 1-0 kuwina iStellies.
IStellies ilishaye igoli kade umdlalo uvuma iPirates, kanti liqhamuke kade ihlasela ngokuzumisa.
UDevon Titus uzithole engamakiwe, walibasela enethini esiwombeni sokuqala.
Ibe seyivele izovala emuva, yavele yapaka ibhasi, iPirates yapaquza yaze yadela yagcina ilugobile uphondo.
Yize ihluliwe, iPirates isesendaweni yesibili la ibambene khona neMamelodi Sundowns ngamaphuzu kodwa ezikaManqoba Mngqithi ziphambili ngenxa yamagoli.