Ubutsotsi bukaMofokeng buweze iBucs
- Sibongiseni GUMBI
URelebohile Mofokeng uphinde waba yiqhawe le-Orlando Pirates inqoba iMTN8 okwesithathu kulandelana.
Yize lo mdlali osemncane engazange ashaye igoli kulokhu, kodwa kube wubuhlakani bakhe okuqinisekise ukuthi eziMnyama zinqoba iMTN8 okwesithathu kulandelana.
Lo mdlali – ongene esuka ebhentshini -uthathe ibhola ebelibekwe phansi ngokushesha walibeka kuTshegofatso Mabasa, izitobha zeStellenbosch FC zasala zibuzana zodwa ukuthi kwenzekalani.
Lapho bese kusele imizuzu eyengeziwe unompempe umdlalo uphele, kwabeka iPirates endaweni yokuthi iqophe umlando.
Uphinde wabuya uMofokeng, washaya igoli lesithathu lePirates eliqinisekise ukuthi inqoba ngo 3-1 iBuca kulo mdlalo.
IStellies iyoba eshaye igoli kuqala kulo mdlalo, uLehlohonolo Mojela uyibeke phambili emzuzwini ka-12.
Nokho leli qembu lihlulekile wukuvikela ukuhamba kwalo phambili, iPirates yabuya yashaya amagoli amathathu yaze yanqoba.
