Abaduma kwiChiefs neBucs sebethole ithuba elisha kwiBaroka
- Alfred NGUBANE
Abadlali abaduma ezinkunzini zamaqembu amabili amakhulu aseSoweto iKaizer Chiefs ne-Orlando Pirates, bathole ikhaya elisha kwiBaroka FC edlala kwiMotsepe Foundation Championship.
USiphelele “Shaka” Mthembu noCollins Makgaka sebezogijima kwiBaroka FC, ebumba kabusha iqembu kulandela ukuxosha abadlali abaningi ngemuva kokuhluleka ukubuyela kwiBetway Premiership.
UCollins Makgaka ubekwiSikhukhune United ngesizini edlule kodwa ijezi ubelizwa ngendaba.
Udedeliwe ekupheleni kwesizini njengoba leli qembu nalo belizihlela kabusha.
Ngaphambi kweSekhukhune ubekwi-Orlando Pirates la anqoba khona iTelkom Knockout Cup neMTN8, kodwa nakho elithola amacozucozu ijezi.
USiphelele Mthembu yena ubedlala kwiPretoria Callies ngesizini edlule njengoba esevuka kwiBaroka FC.
UMthembu usedlalele womabili amaqembu ase Soweto iKaizer Chiefs ne-Orlando Pirates waphinda wagcugca emaqenjini amaningi okukho kuwo AmaZulu FC, Plutinum Stars, Golden Arrows, Cape Town City, neFree State Stars.
Laba badlali kulindeleke ukuthi basize leli qembu ukuthi libuyele kwiBetway Premiership ngesizini ezayo.
UMorgan Mammilla, ongumqeqeshi kwiBaroka, utshele iLisenethini ukuthi ubebadnga laba badlali.
OLUNYE UDABA: Ihubuluze isobho iStellies kwesaseSwatini
“Abadlali abenjengoSiphelele Mthembu noCollins Magkaka banesipiliyoni, ngakho bebesidinga kakhulu eqenjini,” kusho uMammilla.
