Zizoqhathwa kanje kweyandulela owamanqamu kwiMTN8
- Sibongiseni GUMBI
Ukuqhathwa kwemidlalo eyandulela owamanqamu kwiMTN8 kuzokwenziwa ngemuva komdlalo weMamelodi Sundowns nePolokwane City eLucas Moripe Stadium ngeSonto ntambama.
I-Orlando Pirates, iStellenbosch FC, neCape Town City sebevele bazibekisele izindawo kulesi sigaba semidlalo eyandulela owamanqamu.
Owine kwiSundowns nePolokwane City uzobe esengena njengeqembu lesine kulesi sigaba la lo mqhdelwano ushuba khona kakhulu.
Ngempelasonto edlule, i-Orlando Pirates ishaye iSuperSport United ukuze idlulele phambili.
IStellenbosch FC yona yehlula iTS Galaxy ukuze yengeze igama layo emdlalweni owandulela owamanqamu.
ICape Town City inqobe iSekhukhune United ngo 1-0 izolo ngoMgqibelo.
Ukuqhathwa kwemidlalo eyandulela owamanqamu kuzokwenziwa kanje:
- Amabhola amane anamagama amaqembu azofakwa endishini eyodwa.
- Ibhola elizophuma kuqala kuzoba yiqembu lasekhaya emdlalweni wokuqala owandulela owamanqamu.
- Ibhola lesibili lizokhombisa iqembu elizobe lisekuhambeni emdlalweni wokuqala.Ibhola lesithathu elizokhishwa kuzoba yiqembu lasekhaya emdlalweni wesibili.
- Ibhola lokugcina lizocacisa iqembu lasekuhambeni emdlalweni wesibili.
OLUNYE UDABA: UMokwena phambili kulayini wabafuna oweBafana
Yomibili imidlalo eyandulela owamanqamu izodlalwa imilenze emibili ekhaya nasekuhambeni, okwengeza isasasa embangweni wesicoco seMTN8.
