NoMalesela akasahlanisekile kwiGallants
- Alfred Ngubane
Kubukeka zisazoqhubeka izixakaxaka ngabaqeqeshi kwiMarumo Gallants njengoba nomqeqeshi osanda kuqashwa, uDan Malesela kuvela ukuthi akasahlalisekile.
UMalesela uqashwe ngesonto elidlule kungakapheli sikhathi esitheni kusule uDylan Kerr ongaqedanga nenyanga kulo msebenzi.
Manje kuvela ukuthi izibonkolo ezenze uKerr wagcina eqoka ukushiya sezihlasele uMalesela, azimnike thuba.
Ngokubika kweKickOff, uMalesela ulwa impi ngaphakathi ngesiphakamiso sabaphathi sokuthi bamtholele umqeqeshi azosebenzisana naye ngokubambisana.
Lo mbiko uthi uMalesela yena akayizwa eyokuthi abambisane nomuunye umqeqeshi kulo msebenzi ngoba ubona lokho kuzokwenza kungasebenzeki kahle.
Kuzokhumbuleka ke ukuthi uMalesela wabalekela into efanayo nakwiRoyal AM kumasizini amabili edlule.
NoKerr kuvela ukuthi ucikwe yikho lokhu ukuthi abaphathi bethi bazomlandela umqeqeshi azobambisana nye.
Kuthiwa lo mqeqeshi elingaveli igama lakhe usebenza kwelinye lamaqembu eMotsepe Foundation Championship.
Osekuzothatha amehlo wukubona ukuthi izophetha kajani le ndaba njengoba zisondela nezinsuku zokuthi kuqale isizini yeBetway Premiership.
IGallants kuzomele isheshe ikulungise lokhu kungazinzi kwesimo kwazise ngeke kube mnandi kubaphathi ukuthi baphinde badliwe yizembe.
OLUNYE UDABA: UPule uphumela obala ngokumhambise kwiPirates
Phela lokho kungasho ukucwila kwemali ibalelwa ku-50-million okuthengwe ngayo isitifiketi seMoroka Swallows ngoJuni.
