Uthini umthetho ‘ngephenathi’ encishwe iSuperSport koweBucs? 

• Intatheli yeLisenethini

Basale bekhala abebezwelana neSuperSport United ngephenathi encishwe yona ngunompempe u-Abongile Tom ngasekupheleni komdlalo wayo ne-Orlando Pirates. 

Lo mdlalo weMTN8 uphele kunqobe iPirates ngo 3-1, yadlulela emzuliswaneni weidlalo eyandulela owamanqamu. 

Nokho kunesikhalo esidale ukuthi ngisho umqeqeshi weSuperSport, uGavin Hunt agcine ekhishwe ngekhadi elibomvu.

Lokhu bekulandela ukukhala kwakhe ngalesi sigameko la ibhola lishaye engalweni kumdlalo wePirates esebhokisini langakubo. 

UKabelo Dlamini ubethi ususa umhlola ekhaya ngesikhathi ibhola lishayisa engalweka kazakwabo uThalente Mbatha obeyiphakamisile.

Kodwa u-Abongile Tom wathi awuqhubeke umdlalo ngaphezu kwezikhalo zabeSuperSport.

ILisenethini ibe seyibheka incwadi yemithetho esigabeni samaphanathi ukuze ithole ukuthi ngabe wenze iphutha yini u-Abongile Tom.

Ngokwemithetho, alikho iphutha alenzile futhi iphutha abengalenza wukubeka iphenathi kulesi sehlakalo.

OLUNYE UDABA: USaleng uthi bekumele bavule ngenjabulo e-Orlando

Umthetho uthi uma ibhola lishayise esandleni somdlali lisuka kuzwakwabo, akuhlawuliswa lokho ngaphandle uma lisuke lapho langena enethini kwaba yigoli.