Ezintsha

UPitso udalule imfihlo yomsakazi engazelele

Kulaba bekukhona noDJ Sbu ongumsakazi weRadio 2000, othumele izilokotho ezinhle ngesikhathi uPitso ebungaza lezi ziqu nosuku lwakhe lokuzalwa njengoba ebehlanganisa iminyaka engu-60 edla anhlamvana. 

Ephendula umyalezo kaSbu, uPitso akazange akufihle ukuthi uyamthanda lo mculi ongumsunguli weTS Records, wamncoma ngokuzikhandla kwakhe njengomculi nosomabhizinisi. 

Nokho ngesikhathi encoma, uPitso uveze ngephutha ukuthi uDj Sbu nguye owayenguMzekezeke. 

UDj Sbu uhlezi ekuphika ukuthi nguye owayezifihla ubuso bese ezibiza ngoMzekezeke owaba nedumela elikhulu kweikaqedisizungu.

“Ubani owayengake acabange lento yokuba uMzekezeke? Ngolimi lwaseKasi sithi, ‘O ne plug!’ Lokhu kuchaza ukuthi, ‘Unesibindi futhi usungula izinto ezintsha, njengo-Elon Musk!’,” kubhala uPitso. 

Kube usededele izibonkoo njengoba abantu bebe sebethi sekuyisikhathi sokuthi uDJ Sbu aphumele eshashalazini ngokuba uMzekezeke.

Abanye bahleke ukuthi uPitso usevele wadedela kalula nje le mfiho uDJ Sbu aseyisingathe isikhathi eside kangaka.