Sibhekisisa isitobha sase-Angola esifunwa uNabi weChiefs

– Intatheli yeLisenethini

IKaizer Chiefs kukholakala ukuthi yenza konke okusemandleni ayo ukuthola umdlali wasemuva wase-Angola, u-Inacio Miguel oseqhulwini kwabafunwa umqeqeshi uNasreddine Nabi.

Nakuba izingxoxo bezilokhu zifihliwe, kukholakala ukuthi leli qembu laseNaturena selisondele ekutholeni lo mdlali weqembu lesizwe lase-Angola. 

ILisenetini ibheka kabanzi imininingwane yabadlali ukuze athole ukuthi yini engalindeleka kulo mdlali omusha waMakhosi.

U-Inácio Miguel ungumdlali wasemuva ogqamile eqenjini lase-Angola iPetro de Luanda, lapho ehlale enza kahle khona. 

Lo mdlali oneminyaka engu-28 wase-Angola uletha inhlanganisela yokuqina komzimba, ikhono lobuchwepheshe, nokuziphatha kahle emdlalweni wakhe. 

Ngobude me ku-1.85m, ikhono namandla kaMiguel asemoyeni abalulekile uma kuhlaselwa noma kuvinjwa amabhola abekwe phansi – amakhona nama-free kick.

Kule sizini, uMiguel usedlale imidlalo engu-22 eqenjini lakhe, washaya amagoli amabili.

Ukuzotha kwakhe nokukwazi ukuphasa, aqale iminyakazo emuva kwenza iqembu lakhe lidlale kahle, okumenza abe yingxenye ebalulekile. 

OLUNYE UDABA: Icabanga ukubuyisa umqeqeshi wakudala i-Arrows

UMiguel unesipiliyoni esihle njengoba eseke wadlala eLatvia kwiFK Liepaja naseRomania kwi-Universitatea Cluj.