BUKA: UGilberto weBucs ushutha ividiyo yomculo e-Angola
– Intatheli yeLisenethini
Umdlali omusha we-Orlando Pirates uGilberto usaseLuanda, e-Angola, la eqedela khona izinto ezithile okuhlanganisa nokuqeda ukushuthwa kwevidiyo yomculo.
Lokhu kubambezeleka sekuvuse ilukuluku kubalandeli bePirates, abamagange ukubona lo mdlali wabo omusha eseqenjini.
Intatheli yebhola lezinyawo yakuleli, u-Austin Dithlobolo uphanyeke ividiyo kwi-X ekhombisa uGilberto edansa nomculi odumile wase-Angola uLandrick.
“Lo mdlali oneminyaka engu-23 usanda kuphothula ukushutha ividiyo nomculi ophambili wase-Angola u-Landrick yengoma entsha ebizwa ngokuthi, Babete,” kubhala uDitlololo embhalweni ophelezela le vidiyo.
Nakuba ukuzibandakanya kukaGilberto kwividiyo yomculo sekudale isasasa, ukungabibikho kwakhe eqenjini elilungisela isizini eSpain akuzibeki.
Ukuphuthelwa yilezi zigaba ezibalulekile zangaphambi kwesizini kungaba nomthelela ekuhlanganisweni kwakhe nozakwabo nokuqonda kwakhe izinhlelo zomqeqeshi.
Ikhempu yangaphambi kwesizini yisikhathi esibalulekile sokuthi abadlali bakhe ukuzwana nozakwabo abasha futhi bazijwayeze izimfuno namaqhinga ethimba labaqeqeshi.
Abalandeli bePirates banethemba lokuthi okubambezele uGilberto e-Angola kuzophothulwa ngokushesha ukuze ajoyine ozakwabo abasha ngokushesha.
OLUNYE UDABA: UJessica unxenxa abalandeli ukuthi ‘bengaxhamezeli’
Ukuba khona kwakhe eqenjini kubhekwe ngabomvu, abaningi balindele ukuthi abe ngumdlali obalulekile kwiBucs ngesizini ezayo.
Buka levidiyo ngezansi:
