URamoreboli uncoma ‘uBilliat omusha’ osayinwe elakuleli
– Alfred Ngubane
Umqeqeshi we-Jwaneng Galaxy, uMorena Ramoreboli, useqhathanise isihlabani esisafufusa uDaniel Msendami nomdlali odumile waseZimbabwe uKhama Billiat.
UMorena Ramoreboli uncome ikhono akhethekile likaMsendami, egqamisa ithalente lakhe eliyivelakancane.
“Ngiyaziqhenya ngalowo mfana,” kusho uRamoreboli etshela i-iDiski Times.
“Ngicabanga ukuthi omunye angasho ukuthi sasithatha amashansi nje ngaye. Samsayina esengumfanyana, kodwa wenza kahle.
“Waphusha. Into enhle kakhulu ngaye ukuthi uyalithanda ibhola, futhi ungumuntu okhuthele.
“Ngakho ngikholwa wukuthi noma yisiphi isinqumo asithathayo kufanele ngaso sonke isikhathi simnike ithuba lokukhula.
“Ngikholwa wukuthi uma engangena endaweni lapho ezoqeqeshwa kahle, avikelwe, uzoba ngomunye wabadlali abasezingeni eliphezulu.
“Ngimbona enguKhama Billiat olandelayo. Unethalente elihle kakhulu.”
UMsendami uqale umsebenzi wakhe ngaphansi kukaMorena Ramoreboli kwiJwaneng Galaxy yaseBotswana.
Ukhombise ukukhula okumangalisayo kusukela ezinsukwini zakhe zokuqala.
Muva nje, udlulele kwiMarumo Gallants, eshiya ezakhele igama kwiJwaneng Galaxy.
OLUNYE UDABA: OweChiefs uvuma ukushisa kwensimbi yabaqeqeshi abasha
Ngaphansi kobuholi bukaRamoreboli, iqembu lathola izicoco ezimbili zeBotswana Premiership ne-Orange FA Cup.
