Ithathwe ‘kahle’ iBafana kweyokuhlungela i-Afcon
– Intatheli yeLisenethini
Bekulindelwe ngabomvu ukuqhathwa kwamazwe ase-Afrika azolwlea ukuyodlala kwiCaf Afirca Cup of Nations (Afcon) ngonyaka ozayo.
I-Afcon elandelayo izoba seMorocco ngoDisemba ka-2025, kanti amaqembu amaqembu esizwe azoqala imidlalo yokuhlunga maduze.
Ukuqhathwa kwamaqembu azodlala imidlalo yokuhlungela i-Afcon aqhathwe eGoli ngoLwesine ntambama kanti elakuleli liqhathwe kuGroup K.
Ngesikhathi kumenyezelwa la magama, kube nengxube yesasasa nokuminya ethimbenni laseNingizimu Afrika.
Phela iBafana Bafana ivamise ukufakwa emaqoqweni anzima kule midlalo yokuhlunga, okwenza igcine isale ngaphandle esikhathini esiningi.
Nokho kulokhu ithole elibukeka lingconywana njengoba izobhekana ne-Uganda, iCongo, neSouth Sudan kule midlalo yokuhlunga.
I-Uganda, enabadlali abaqatha futhi ekwaziyo ukuvala emuva, ingaba yinadi elinzima ukuliqaqa kwiBafana.
Imisebenzi yayo yakamuva ibonise ukuthuthuka okukhulu, futhi bayalifuna ithuba lokuya kule midlalo kulandela ‘ukurojwa’ emidlalweni yokuhlunga edlule.
Amaqembu amabili kuphela eqoqweni ngalinye azongena emqhudelwaneni omkhulu.
UYENA?: IChippa yethula uJali amacozucozu
- Aqhathwe kanje esewonke amaqemu:
- Group A: Tunisia; Madagascar; Comoros; The Gambia
- Group B: Morocco; Gabon; Central African Republic; Lesotho
- Group C: Egypt; Cape Verde; Mauritania; Botswana
- Group D: Nigeria, Benin; Libya; Rwanda
- Group E: Algeria; EQ Guinea; Togo; Liberia
- Group F: Ghana; Angola; Sudan; Niger
- Group G: Ivory Coast; Zambia; Sierra Leone; Chad
- Group H: Congo DR; Guinea; Tanzania; Ethiopia
- Group I: Mali; Mozambique; Guinea-Bissau; Eswatini
- Group J: Cameroon; Namibia; Kenya; Zimbabwe
- Group K: South Africa; Uganda; Congo; South Sudan
- Group L: Senegal; Burkina Faso; Malawi; Burundi
