IDowns isikulungele ukudayisa uRicardo Goss

– Intatheli yeLisenethini

IMamelodi Sundowns ivulelekileukwamukela izicelo emaqenjini afisa ukudayiselwa unozinti wayo uRicardo Goss.

Kuvela ukuthi uRicardo Goss akenelisekile kwiSundowns, ufisa ukuthola iqembu azothola kulo ijezi njalo

Lo nozinti oneminyaka engu-30 ubuyele eChloorkop ngemuva kokuphela kwesizini abebolekiswe kuyo kwiSuperSport United.

Ngesikhathi ekwiSuperSport, uRicardo Goss udlale imidlalo engaphezu kuka-50 ngaphansi komqeqeshi uGavin Hunt.

Lokhu kumenze wabizelwa naseqenjini lesizwe, iBafana Bafana ebelidlala kwiCaf Africa Cup of Nations (Afcon) ekuqaleni konyaka. 

Yize ekukhombisile ukuthi ungunozinti oqavile, uGoss ubhekene nombango onzima kwiSundowns okukhona kuyo uRonwen Williams, uDenis Onyango, uReyaad Pieterse, noJody February. 

Bonke laba abathathu balizwa ngendaba ijezi njengoba kungelikaWilliams ovimba kahle nakwiBafana. 

Manje iSABC Sport ibika ukuthi iSundowns izimisele ngokudedela uGoss uma kuvela iqembu elibeka into ebhekile etafuleni. 

Izingxoxo zisaqhubeka neSuperSport United mayelana nokuthi imthathe unomphelo lo nozinti, kodwa akukafinyelelwa esivumelwaneni. 

ISundowns isizwakalise ukuthi ikulungele ukulalela izicelo kwabafisa ukuthola uGoss.

OLUNYE UDABA: UTico-Tico unombono wokukhipha iJomo Cosmos ehlathini

Ujoyine iSundowns ngesikhathi kuvalwa iBidvest Wits, idayisa isitifiketi sayo sokudla kwiDStv Premiership ngoSepthemba ka-2020.