UFadlu Davids ufunwa yizinkunzi zase-Afrika 

– Intatheli yeLisenethini

ISimba SC isizwakalise intshisekelo ngomqeqeshi wakuleli, uFadlu Davids njengoba isaqhubeka nokucinga umqeqeshi omusha. 

UFadlu Davids njengamanje uyiphini lomqeqeshi uJosef Zinnbauer kwiRaja Athletic Club eMorocco abayinqobise isicoco seligi ngesizini yabo yokuqala.

Ngaphambi kokuya kwiRaja, laba baqeqeshi babekwi-Orlando Pirates kuleli nakwiLokomotiv Moscow eRussia.

Ngenxa yempumelelo yabo encomekayo, bobabili uZinnbauer noDavids badonsa amehlo amaqembu amaningi. 

I-iDiski Times ibika ukuthi abaphathi beSimba bahlabeke umxhwele ngoFadlu Davids, futhi bambona efanelekile ukuqeqesha iqembu labo. 

Imenenja kaDavids ikuqinisekisile ukuthi iSimba isike yaveza uthando lokumthola lo mqeqeshi.

Nokho ugcizelele ukuthi uDavids okwamanje ugxile ngokuphelele emsebenzini wakhe kwiRaja njengoba izodlala owamanqamu weThrone Cup. 

“Bekunentshisekelo ngoFadlu,” ucasunwe esho kanje uRasthoem Simons we-5sSports. 

“Kodwa okwamanje ugxile emsebenzini abhekene nawo kwiRaja nekusasa lohambo lweqembu kwiCaf Champions League ngesizini ezayo.”

OLUNYE UDABA: U-Andile Jali uselitholile iqembu azodlala kulo ngezayo

ISimba ike yamataniswa nomunye umqeqeshi wakuleli uSteve Komphela kodwa njengamanje usabuyele kwiGolden Arrows abekuyo nangesizini edlule.