IGallants iqinisekisa eyokuthenga iSwallows
– Sibongiseni Gumbi
Sekusemthethweni ukuthi iMoroka Swallows seyiphelile njengoba isitifiketi sayo sokudlala ezingeni elikhokhelayo sesithengwe yiMarumo Gallants.
Lokhu kuqinisekiswe yiyo iMarumo Gallants esitatimendeni esikhiphe ngoLwesine ntambama.
ILisenethini beyike yabika ngalolu daba ukuthi iPSL seyikugunyazile ukudayiselana phakathi kukaDavid Mogashoa weSwallows no-Abram Sello weGallants.
IMarumo Gallants iqinisekise nokuthi imidlalo yayo yasekhaya izoyidlalela eBloemfontein, kodwa ayangasho lutho ngokushintshwa kwegama.
“Ngemuva kokugunyazwa yiPremier Soccer League, (PSL) namuhla, iMarumo Gallants Football Club iqinisekisa ngokusemthethweni ukuthengwa kweMoroka ISwallows Football Club.
“IGallants izothatha iSwallows ngokushesha leli qembu futhi iqinisekisa ukuthi imidlalo yasekhaya yesizini ezayo izodlalelwa eBloemfontein, eFree State.
“IGallants izohlinzeka ngemininingwane eyengeziwe yezinhlelo uma sekuqediwe izingxoxo nabasebenzi, amathimba abaqeqeshi nabadlali.
“Okwamanje ikilabhu ngeke iphinde ikhiphe eminye imibono noma ikhulume kwabezindaba,” ibhalekanje esitatimendeni sayo.
OLUNYE UDABA: Sekuneqembu elibeka amabili amathathu kuKeagan Dolly
“Usuku lwesithangami sabezindaba luzokwaziswa maduze nje.”
