UShaun Bartlett akamboni ongaphula elikaMcCarthy kwiBafana
– Alfred Ngubane
Irekhodi lamagoli likaBenni McCarthy kwiBafana Bafana lisazohlala iminyakanyaka lingephulwa, ngokubona kukaShaun Bartlett.
Exoxa neLisenethini, uShaun Bartlett uthe uselahlekelwe yithemba ngomgadli ongaphula leli rekhodi lika Benni McCarthy.
“UBenni waphula elami irekhodi lamagoli angu-29… Mina ngaqala ukudlala kwiBafana Bafana ngo-1995, ngayeka ngo-2005,” kuchaza uBartlett.
“Ngabona ukuthi uBenni ungumgadli osezingeni eliphezulu nokuthi ashaye amagoli aze angeqe ngamagoli njengoba yena aphelela kwangu-31.”
UMcCarthy wadlala imidlalo engu-80 kwiBafana, washaya amagoli angu-31 phakathi kuka-1997 no-2012.
Kusukela kwashiya uMcCarthy, iBafana ayikaze imthole umgadli okwazi ukushaya amagoli iminyaka ilandelana.
UKatlego Mphela nguyena oke wazama kodwa naye waphelela emagolini angu-23 emidlalweni engu-53.
“Mina sengilahle ithawula ngabagadli bethu ukuthi bazokwazi ukuphula lamarekhodi aphambi kwabo.
“Kumele engabe bayazihlupha ngokushaya amagoli emaqenjini abadlala kuwona.
“Bazithuntuthe bona uthuli, bashaye amagoli khona bezokhula nakwiBafana Bafana,” kuphetha uBartlett.
Abanye abagadli abaphelela emoyeni ngoMphela owayethembisa ekushayeni amagoli eqenjini lesizwe.
OLUNYE UDABA: UFadlu ufanisa uNabi nowayeqeqesha iChiefs phambilini
Muva nje bekubonakala uPercy Tau eza kahle, kodwa naye manje ubonakala efadabala kakhulu.
