ISekhukhune ilobizela ababili beKaizer Chiefs
– Intatheli yeLisenethini
Abadlali ababili beKaizer Chiefs bemataniswa neqembu eligijima kwiDStv Premiership iSekhukhune United.
Kulindeleke izinguquko ezinkulu kwiKaizer Chiefs ngaphambi kwesizini ezayo kulandela umkhankaso omubi ka-2023/24.
Amakhosi kulindeleke ukuthi amemezele umqeqeshi omusha futhi kulindeleke nokuthi kudedelwe inqwaba yabadlali.
Unozinti, u-Itumeleng Khune nomdlali wasemuva uNjabulo Ngcobo kubikwa ukuthi bafunwa uthuli yiSekhukhune United.
Laba bobabili bangase bajoyine owayengumqeqeshi wabo kwiKaizer Chiefs, uGavin Hunt, okubikwa ukuthi ugaqelwe yiSekhukhune United ukuvala isikhala sikaLehlohonolo Seema.
Ngokwemibiko, omunye umqeqeshi ofunwa yiSekhukhune uSteve Komphela obekwiGolden Arrows ngasekupheleni kwale sizini.
“Iqembu limatasa lithungatha umqeqeshi omusha njengoba uLehlohonolo Seema kulindeleke ukuthi ahambe.
“Lokhu kulandela ukumiswa kwakhe ngabaphathi beqembu,” ufundeka kanje umbiko weKick Off.
“Kubikwa ukuthi uGavin Hunt noSteve Komphela bathathwa njengabangase bathathe lo msebenzi.”
Khonamanjalo, kulindeleke ukuthi kufike umdlali wasemuva weChiefs, uNjabulo Ngcobo, ophelelwe yinkontileka kuMakhosi.
OLUNYE UDABA: Uzohlowa kwi-Orlando Pirates owase-England
“ISekhukhune kubikwa ukuthi isiqaphile isimo sika-Itumeleng Khune, naye ophelelwa yinkontileka kwiChiefs ekupheleni kukaNhlangulana.”
