UJose Riveiro udle izicoco ezintathu kule sizini

– Alfred Ngubane

Uqophe umlando umqeqeshi we-Orlando Pirates, uJose Riveiro njengoba enqobe izindebe ezintathu kule sizini.

UJose Reveiro nguyena kuphela umqeqeshi osenqobe izinkomishi ezintathu ngesizini eyodwa kwi-PSL.

Uqale wanqoba iMTN8 ayivikela ebhekene neMamelodi Sundowns kowamanqamu eMoses Mabhida Stadium ngasekuqaleni kwesizini. 

Wabe eseqokwa njengomqeqeshi we-PSL All Stars, eyadlala nompetha beCarling Knockout Cup iStellenbosh FC, wayishaya wanqoba leyo ndebe. 

Manje usevale isizini ngokunqoba iNedbank Cup, aphinde washwebisa kuyo iSundowns eMbombela Stadium ngempelasonto edlule.

UJose Reveiro ulandelwa nguRulani Mokwena yena onqobe iDstv Premiership neCaf African Football League, kuvale uSteve Barker onqobe iCarling Knockout Cup.

OLUNYE UDABA: IStellies ibangisa iKaizer Chiefs ngomdlali emfunayo

I-Orlando Pirates lingaba yiqembu elivelele kuma-PSL Awards kule sizini njengoba likhuphule kakhulu amasokisi.