Isiqedile iMagesi, iMaritzburg isamincile kodwa kubi
IMagesi Football Club ecijwa uClinton Larsen, ikhuphukele kwiDStv Premiership ngemuva kokunqoba isicoco seMotsepe Foundation Championship.
Llei qembu lizibekisele indawo kwiDStv Premiership ngesizini ezayo ngokushaya iMilford 3-1 ngeSonto ntambama.
Ngesikhathi esifanayo, i-University of Pretoria izenzele phansi ibanjwa ngo 1-1 yiBlack Leopards.
Ngale miphumela, iMagesi inqobe isicoco seChampionship njengoba isinegebe lamaphuzu ayisishiyagalombili phezulu kwilogi janti sekusele imidlalo emibili.
Njengamanje iMagesi izihola phambili ngamaphuzu angama-55 ilandelwa AmaTuks ngawu-47.
IBaroka ne-JDR Stars basembangweni wendawo yesibili, bobabili ngamaphuzu angu-45.
IBaroka izidlele amahlanga kwiMarumo Gallants esengozini embi yokudliwa yizembe.
IJDR Stars yona ishaye i-Orbit College eke yaba sembangweni wesicoco kodwa kwala amava ngokuhamba kwemidlalo.
IMaritzburg iwagcinile amathemba okungena emidlalweni yokuhlungela ngokunqoba ngo 2-0 ibhekene neHungry Lions.
OLUNYE UDABA: Izigigaba ezimangazayo koweStellies neSundowns
Isizwe nawukuthi i-University of Pretoria ibambene ngo 2-2 neBlack Leopards.
Nokho ukungena kwayo kule midlalo yokuhlunga sekuncike nasekutheni amaqembu angenhla kwayo alahle amaphuzu.
Isiyonke imiphumela yeChmapionship ngeSonto ime kanje:
- JDR Stars 1-0 Orbit College
- Baroka 2-0 Marumo Gallants
- Upington City – NB La Masia
- Casric Stars 4-2 Platinum City Rovers
- Magesi 3-1 Milford
- Pretoria Callies 0-3 Venda Football Club
- Black Leopards 2-2 AmaTuks
- Maritzburg United 2-0 Hungry Lions
