UMvala uncoma ubuholi bukaZwane kwiDowns
Umdlali wasemuva, uMothobi Mvala uncoma ubuholi bukaThemba Zwane ongukaputeni weMamelodi Sundowns.
UMvala uthi uZwane akanayo impakamo futhi uyindoda eqotho, ulihola ngobumnene iqembu.
“Lokho kwenza kube lula ukudlala kahle kweqembu njengoba wonke umdlali weSundowns emhlonipha uZwane…
“Konke kuqala kuyena njengoba uziphatha kahle nangaphandle kwenkundla,” kusho uMvala ngomoya phansi.
UZwane kuningi akuzuzile neSundowns njengoba esenqobe iCaf Champions League, CAf Super Cup, Dstv Premiership, Nedbank Cup neTelkom Knockout.
UMvala udlala kahle kwiSundowns ngaphansi kobuholi bukaThemba Zwane futhi ubengomunye wabadlali beSundowns ekade beyibambe kkwi-Africa Cup of Nations e-Ivory Coast.
OLUNYE UDABA: Singaligoba irekhodi leDowns, kusho uPule Mmodi weChiefs
Njengoba iSundowns izobhekana neKaizer Chiefs ngoLwesine ebusuku, uMvala ungomunye wabadlali okubhekwe basize leli qembu liqhubeke nomgqigqo walo wokungehlulwa.
ISundowns ayikehlulwa emidlalweni yeligi kule sizini kanti kule engu-23 esayidlalile, isinqobe engu-18, yadlala ngokulingana kwemihlanu.
Uma iyishaya iChiefs, izobe seyiqinisekisiwe ngokuba ngompetha beDStv Premiership okwesikhombisa kulandelana.
