BUKA: UChamanga ubongela uRayners ngerekhodi lamagoli
Umdlali waseZimbabwe owaqopha irekhodi lokushaya amagoli amaningi emdlalweni owodwa, uJames Chamanga akanankinga nokwephulwa kwerekhodi lakhe.
UChamanga washaya lamagoli amahlanu esadlala kwiMoroka Swallows bebhekene nePlatinum Stars ngoZibandlela ka-2007.
Umdlali weStellenbosch FC, u-Iqraam Rayners ucishe walephula leli rekhodi ngempelasonto eshaya amahlanu behlula iPolokwane City.
Lokhu kusho ukuthi leli rekhodi akuselona elikaChamanga yedwa, kodwa sebebambisene kulo noRayners.
UChamang usekhiphe ividiyo ezinkundleni zokuxhumana ebingela uRayners ngokufica irekhodi lakhe.
“Ngiyakubingelela mfowethu, ngifuna ukuveza ukukujabulela kwami,” kusho uChamanga kule vidiyo.
OLUNYE UDABA: Uphelelwa yindawo kwiPirates umdlali onamava
“Ngisho kuwe Iqraam Rayners weStellenbosch, ngiyazi kungenzeka awungazi ubuso nobuso, mhlawumbe wazi igama lami.
“NginguJames Chamanga owayedlala kwiSwallows, owashaya amagoli amahlanu emdlalweni owodwa.
“Ngifisa ukukubongela, uyenzile lento. Ngemuva kweminyaka engu-17, ulificile irekhodi lami.
“Ngifuna ukukubongela, ngithi mfowethu qhubeka nokuzikhandla, engathi ungaqhubek wephule amanye amarekhodi.
“UMdali akubusise, ngikufisela okuhle kodwa kuze kuphele isizini,” kwengeza uChamanga oseneminyaka engu-44. Buka ividiyo ngezansi:
