I-Spurs ifuna iPSL ixoshe iSwallows kiwligi enkulu

I-Cape Town Spurs seyibhale incwadi lapho icela khona iPremier Soccer League (PSL) ukuthi yehlisele iMoroka Swallows FC kwiMotsepe Foundation Championship.

Lokhu kulandela ukuhluleka kweSwallows ukuya emdlalweni weDStv Premiership lapho kwakumele idlale neMamelodi Sundowns ngoDisemba 27.

Kwaphinda esifanayo nakulowo okwakumele iwudlale neLamontville Golden Arrows ngoDisemba 30.

“Into okuyiyona efanele yenziwe ukuthi kube nesigwebo esinzima kakhulu,” kusho iSpurs encwadini.

“Lapha sibala ukuthathwa kwamaphuzu, ukuxoshwa kweSwallows kwiligi noma ukwehliselwa kwayo esigabeni esiphansi.

“Konke lokhu yinto ikomiti leligi (eliqondisa ubugwegwe) elivilunyelwe ukukuyenza futhi kungabe kufanele kulesi simo. 

“Ukubahlawulisa ngokuthi bakhokhe nokuthi imidlalo bangabe besayidlala akwanele.”

I-Urban Warriors iyibambe endaweni yokugcina kwilogi yeDStv Premiership ngamaphuzu amane emidlalweni engu-16.

Leli qembu laseKapa libukeka lizodliwa yizembe ekupheleni kwesizini. 

Lisawine umdlalo owodwa ladlala ngokulingana owodwa kwewu-16.

Nakanjani abaningi bazobona le ncwadi njengendlela yeCape Town Spurs yokuzama ukubalekela izembe ekupheleni kwesizini.

Kodwa uma iSwallows ingaxoshwa, kungasho ukuthi iSpurs yona seyizodlala imidlalo yokuhlunga ekupheleni kwesizini. 

OLUNYE UDABA: URayners akalilahlile ithemba ngokungena kwiBafana

ISwallows izovela phambi kwekomiti eliqondisa ubugwegwe ngoLwesine (ngoJanuwari 11).