EzeCarling Cup: UKhune ubuyiseliwe eqenjini le-All Stars
U-Itumeleng Khune weKaizer Chiefs uzobe ekhona kwiCarling All Stars uma seyitholana phezulu neStellenbosch FC emdlalweni weCarling Black Label Cup ngoMgqibelo.
La maqembu azotholana phezulu ePeter Mokaba Stadium, ngoMgqibelo ngo-3 ntambama.
IChiefs ike yaveza ukuthi uKhune ngeke abe yingxenye yalo mdlalo ngoba usadonsa isigwebo kulandela ukutholakala enuka utshwala ejimini yeqembu.
Lo nozinti waphinde waphucwa ibhande likakaputeni wase eyalelwa yiqembu ukuthi alandele izinhlelo ezithile.
Nokho ngokoluhla lweCarling All Stars uKhune uzobe ekhona ezintini ngoMgqibelo.
OLUNYE UDABA: Ushiye kukhalwa kuleli unompempe oya kwi-Afcon
Selilonke iqembu limi kanje: Itumeleng Khune (Kaizer Chiefs), Masibonge Ngidi (Diski AmaZulu), Sandile Mthethwa, Ramahlwe Mphahlele (AmaZulu), Jabulani Mokone (Diski Pirates), Mfundi Vilakazi (Diski Chiefs), Edson Castillo (Chiefs, Siphamandla Zikhali (Diski AmaZulu), Kagiso Mnguni (Diski Pirates), Victor Letsoalo (AmaZulu), Ashley du Preez (Chiefs)
